2:19 AM
Phratalkalot
ដកស្រង់ពីកាសែតកោះសន្តិភាព
បុរសអគតិត្រូវបាននគរបាលចាប់ខ្លួន
ខេត្ត បាត់ដំបង ៖ បុរសអគតិម្នាក់ត្រូវបាននគរបាលចាប់ខ្លួន ក្រោយពីប្រពន្ធបានដាក់ពាក្យបណ្តឹងចោទប្រកាន់កាលពីព្រឹកថ្ងៃទី១១ តុលា ថា លោកប្តីតិរច្ឆានរូបនេះបានចាប់រំលោភសេពសន្ថវៈកូនស្រីរបស់គាត់ ដែលជាកូនប្តីមុន មានអាយុ១៥ឆ្នាំ ។សមត្ថកិច្ចបានប្រាប់ថា ស្ត្រីជាប្រពន្ធបានប្តឹងចោទថា បុរសជាប្តីរូបនេះបានចាប់រំលោភកូនស្រីចុងកាលពីថ្ងៃទី៦ តុលា វេលាម៉ោង៥ល្ងាច នៅក្នុងចំការខាងក្រោយផ្ទះ ស្ថិតនៅឃុំត្រែង ស្រុករតនមណ្ឌល ។
លោករស់ លឹមសឺន អធិការរងស្រុករតនមណ្ឌល បាននិយាយថា បុរសជាប្តីដែលត្រូវប្រពន្ធប្តឹងចោទប្រកាន់នេះឈ្មោះសូត្រ សែ អាយុ៤០ឆ្នាំ រីឯកូនចុងដែលរងគ្រោះអាយុ១៥ឆ្នាំ ។ លោកអធិការរងរូបនេះបាននិយាយថា បុរសនេះបានចាប់កូនស្រីចុងរំលោភទាំងកំរោល ពីក្រោយ ពេលនាងកំពុងឱនចាប់សត្វកញ្ចែ ដែលឪពុកចុងកំហូចរូបនេះបបួលទៅចាប់ក្នុងចំការក្រោយផ្ទះចំងាយ ប្រហែល២០០ម៉ែត្រ ។ បុរសនេះបានគំរាមរកសំលាប់កូនស្រីចុងនេះ បើនាងហ៊ានធ្វើឱ្យបែកការណ៍ ប៉ុន្តែនាងមិនខ្លាច ហើយបានប្រាប់ម្តាយនាងភ្លាមៗ ប៉ុន្តែដោយសារផ្លូវលំបាក ទើបម្តាយនាងមានការយឺតយ៉ាវក្នុងការមកដាក់ពាក្យបណ្តឹងនៅប៉ុស្តិ៍ នគរបាល ។
ស្ត្រីជាម្តាយបានប្រាប់សមត្ថកិច្ចថា ក្រោយពេលត្រូវឪពុកចុងរំលោភ កូនស្រីគាត់ធ្លាក់ឈាមមិនឈប់ និងភ័យស្លន់ស្លោ ។ ពេលឃើញដូច្នេះប្តីគំរក់បានសារភាពប្រាប់គាត់តាមត្រង់អំពីទង្វើ ដ៏អាក្រក់របស់ខ្លួន ។ លុះនៅព្រឹកថ្ងៃទី១១ តុលា ទើបគាត់ធ្វើដំណើរទៅកាន់ប៉ុស្តិ៍នគរបាលដើម្បីដាក់ពាក្យប្តឹង ។ដោយឡែក ក្មេងស្រីរងគ្រោះបាននិយាយប្រាប់សមត្ថកិច្ចដែរថា ឪពុកចុងបាននាំនាងទៅចាប់សត្វកញ្ចែ ហើយពេលនាងឱនចាប់សត្វនោះ ស្រាប់តែឪពុកចុងនាងស្ទុះមកចាប់ឱបនាងពីក្រោយ ហើយស្រាតរំលោភនាងទាំងកំរោលតែម្តង ។
នៅចំពោះមុខសមត្ថកិច្ច បុរសតិរច្ឆានរូបនេះបានសារភាពថា ខ្លួនពិតជាបានចាប់កូនស្រីចុងរំលោភបែបនេះមែន ប៉ុន្តែមិនបានសំរេចទេ។ ទោះបីជាយ៉ាងណា លោកអធិការរងបានបញ្ជាក់ថា បុរសជាឪពុកចុងរូបនេះ ពិតជាបានចាប់រំលោភនាងបានសំរេចមែន ព្រោះនាងបានធ្លាក់ឈាមមិនឈប់ ។ លោកប្រាប់ថា ក្រោយពីប្រពន្ធដាក់ពាក្យបណ្តឹង កំលាំងរបស់លោកបានចុះទៅ ចាប់ខ្លួនជននេះភ្លាមៗតែម្តង។
|
|
0 comments:
Post a Comment