ទាហាន​ឈុត​ខ្មៅ​សៀម​បាញ់​ស្លាប់​អ្នក​ឡើង​ភ្នំ​ដង​រែក​កាប់ឈើគ្រញូង

ដោយ ៖ កោះឯករាជ្យ

ថ្ងៃ ពុធ ទី ១៣ ខែ តុលា ឆ្នាំ ២០១០
ខេត្ត ​ឧត្ត​រ​មាន​ជ័យ ៖ តាម​ប្រភពព័ត៌​មាន​​នា​ល្ងាច​ថ្ងៃ​ទី១២ តុលា បានឱ្យ​ដឹង​ថា ប្រជា​ពល​រដ្ឋ​ខ្មែរ​ដែល​នៅ​តែ​ឡើង​ភ្នំ​ដង​រែក​ស៊ី​ឈ្នួល​កាប់​ឈើ​គ្រញូង ​ត្រូវ​បាន​ទាហាន​ឈុតខ្មៅសៀម​​បាញ់​ស្លាប់​២​របួស​១ រត់​រួច​៥​នាក់។ ហេតុ​ការណ៍​ទាហាន​សៀម​បាញ់​ប្រហារ​នេះ​បាន​កើត​ឡើង​កាល​ពីវេលាម៉ោង៩ យប់ថ្ងៃ​ទី១១ តុលា ឆ្នាំ​២០១០ ​នៅ​ចំណុចអូរ​ទឹក​ចោល ​ភូមិកសិពោធិ វង្ស សង្កាត់​បន្សាយរាក់ ក្រុង​សំរោង។

អ្នក​ស្លាប់​ទី១-ឈ្មោះ​ទិត្យ ប្រាច ភេទ​ប្រុស អាយុ​២១​ឆ្នាំ ​ទី២-ឈ្មោះវុធ ភេទ​ប្រុស អាយុ​២១​ឆ្នាំ មុខ​របរ​ធ្វើ​ស្រែ​ ទាំង​២​នាក់​ស្លាប់​នៅ​កន្លែង​កើត​ហេតុ ទី៣-ឈ្មោះសែត ណាង ភេទ​ប្រុស អាយុ​៤៤​ឆ្នាំ មុខ​របរ​ធ្វើស្រែ អ្នកទាំង​៣​នាក់​រស់នៅភូមិ​កសិ​ពោធិវង្ស សង្កាត់​បន្សាយ​រាក់ ក្រុង​សំរោង រីឯ​៥​នាក់​ទៀត​បាន​រត់​រួច។

ទោះ​បី​ជា​បែប​ណា លោក​វរ​សេនីយ៍​ឯក​ណាញ់ សុវណ្ណ ប្រធាន​ក្រុម​ការ​ងារទំនាក់​ទំនង​ព្រំ​ដែននា​មាត់ច្រក​ទ្វារ​អន្តរ​ជាតិ​ អូរស្មាច់​​បានឱ្យ​កោះ​សន្តិ​ភាព​ដឹង​ថា ព័ត៌​មាន​នេះ​លោក​ក៏​បាន​ឮដែរ តែ​លោក​ពុំ​ទាន់​បាន​ទទួលព័ត៌​មាន​ច្បាស់​ការណ៍​នៅ​ឡើយ​ទេ ហើយ​លោក​បាននិង​កំពុង​ចាត់​ឱ្យមន្ត្រី​ការ​ងារ​របស់​​ធ្វើ​ការ​ទំនាក់​ទំនង​ ទៅ​ខាងភាគី​​ថៃ ហើយ​ដើម្បី​បញ្ជាក់​ពីព័ត៌​មាន​នេះ ​ទើប​លោក​អាចបំភ្លឺ​បាន​៕

0 comments:

Post a Comment

Followers

Related Posts Plugin for WordPress, Blogger...